ភ្នំពេញ៖ ប្រជាពលរដ្ឋក្នុងស្រុកបាណន់ ខេត្តបាត់ដំបង ពិភាក្សាចងក្រងគ្នាជាសហគមន៍កសិកម្មទំនើប និងរួមគ្នាផលិតស្រូវស្រង៉ែស្រាលតាមកិច្ចសន្យា ក្នុងកុងត្រាតម្លៃយ៉ាងតិច ៩៥០៛/គីឡូក្រាម (ស្រូវសើម គុណភាពល្អ ទិញនៅទីវាល)។

ឯកឧត្តម ឃឹម ហ្វីណង់ អនុរដ្ឋលេខាធិកសរ ក្រសួងកសិកម្ម រុក្ខាប្រមាញ់ និងនេសាទ បញ្ជាក់ថា តាមរយៈការចងក្រងជាសហគមន៍កសិកម្មនេះ ប្រជាពលរដ្ឋ នឹងសន្សំសំចៃលើដើមធាតុចូល ដែលថ្លៃជីទាបជាងទីផ្សារលក់រាយក្នុងរង្វង់ ២ម៉ឺន ដល់៣ម៉ឺនរៀល/បាវ។ លើសពីនេះ សមាជិកសហគមន៍ នឹងទទួលបានដើមទុនបង្វិលក្នុងការប្រាក់ទាប ទូទាត់នៅពេលប្រមូលផល ៨% ក្នុងមួយឆ្នាំ (ឧទាហរណ៍ ត្រូវបង់ការត្រឹមតែ៦៦០០៛/ខែ សម្រាប់កម្ចី១លានរៀល)។

សមាជិកសហគមន៍ នឹងទទួលបានការគាំទ្របច្ចេកទេស និងហេដ្ឋារចនាម្ព័ន្ធផ្សេងៗពីក្រសួងកសិកម្ម និងស្ថាប័នដៃគូផងដែរ។ ឯកឧត្តម ឃឹម ហ្វីណង់ សង្ឃឹមថា កសិករ នឹងពិចារណាចងក្រងជាសហគមន៍កសិកម្មទំនើបកាន់តែច្រើន ដើម្បីភាពរឹងមាំនៃវិស័យកសិកម្មកម្ពុជា៕