ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បើកកម្មវិធី «វេទិកាការងារ» នាំយកឱកាសការងារ ៣ពាន់កន្លែងជូនដល់បងប្អូនប្រជាពលរដ្ឋ ជាពិសេស ពលករខ្មែរដែលទើបត្រឡប់មកពីប្រទេសថៃ នៅក្នុងឃុំចំនួន៤ ក្នុងស្រុកព្រះស្តេច ខេត្តព្រៃវែង រួមមាន៖ ឃុំព្រះស្តេច ឃុំបន្ទាយចក្រី ឃុំក្រាំងស្វាយ និងឃុំអង្គររាជ នាថ្ងៃទី៦ ខែសីហា ឆ្នាំ២០២៥។

ក្នុងឱកាសនោះ ក្រុមការងាររបស់ក្រសួងបានផ្សព្វផ្សាយអំពីឱកាសការងារ ការបណ្តុះបណ្តាលជំនាញបច្ចេកទេស និងវិជ្ជាជីវៈ អត្ថប្រយោជន៍នៃរបបសន្តិសុខសង្គម (ប.ស.ស.) ដល់អ្នកចូលរួមចំនួន ១ ២១២នាក់ និងមានបងប្អូនប្រជាពលរដ្ឋ ជាពិសេស បងប្អូនពលករខ្មែរចំនួន ៣៣៧នាក់ ទទួលបានការងារភ្លាមៗពីក្រុមហ៊ុនធំៗដែលមានតម្រូវការកម្លាំងពលកម្ម ៣ពាន់កន្លែង។ នេះបើយោងតាមការចុះផ្សាយពីក្រសួងការងារ និងបណ្តុះបណ្តាលវិជ្ជាជីវៈ៕