ភ្នំពេញ៖ ការប្រើប្រាស់ AI នៅក្នុងការគ្រប់គ្រងទិន្នន័យសុខាភិបាល បានដើរតួនាទីយ៉ាងសំខាន់ក្នុងការរៀបចំ វិភាគ និងធានានូវទំហំទិន្នន័យវេជ្ជសាស្រ្តដែលកំពុង កើនឡើង និងបង្កើតឡើងដោយប្រព័ន្ធថែទាំសុខភាព។

ចាប់ពីកំណត់ត្រាសុខភាពអេឡិចត្រូនិក (EHRs) និងរូបភាពវេជ្ជសាស្ត្រ (Medical Imaging) រហូតដល់លទ្ធផលមន្ទីរពិសោធន៍ និងទិន្នន័យតាមដានអ្នកជំងឺ បានបង្កើតជាព័ត៌មានស្មុគស្មាញ និងរសើប ដែលទាមទារឱ្យមានការគ្រប់គ្រងត្រឹមត្រូវ និងមានប្រសិទ្ធភាព។ ក្នុងន័យនេះ បច្ចេកវិទ្យា AI ជាពិសេសម៉ាស៊ីនសិក្សា និងដំណើរការភាសាបែបធម្មជាតិ (NLP) អាចស្វ័យប្រវត្តិកម្មការបញ្ចូលទិន្នន័យ ទាញយក Insights ដ៏មានអត្ថន័យពីទិន្នន័យដែលមិនមានរចនាសម្ព័ន្ធ និងកំណត់គំរូតាមសំណុំទិន្នន័យចម្រុះ ដើម្បីគាំទ្រដល់ការសម្រេចចិត្តផ្នែកព្យាបាល។

បច្ចេកវិទ្យាខាងលើនេះ នឹងកាត់បន្ថយពេលវេលា និងការចំណាយនៃដំណើរការរដ្ឋបាលថែទាំសុខភាព ដែលរួមចំណែកដល់ប្រតិបត្តិការប្រចាំថ្ងៃឱ្យកាន់តែមានប្រសិទ្ធភាព បង្កើនប្រសិទ្ធភាពព្យាបាល និងបង្កើនបទពិសោធរបស់អ្នកជំងឺផងដែរ៕