ភ្នំពេញ៖ ក្រុមហ៊ុនផលិតម៉ូតូអគ្គិសនីឥណ្ឌូនេស៊ី (AISMOLI), ក្រុមហ៊ុនឌីជីថល DDAS របស់ប្រទេសសិង្ហបុរី, ក្រុមហ៊ុនឧស្សាហកម្ម និងបច្ចេកវិទ្យាអគ្គិសនីប្រទេសចិន HONGFA និងក្រុមហ៊ុនបច្ចកវិទ្យា Equinix & Zenlayer យល់ឃើញពីភាពវិជ្ជមានលើវិស័យធុរកិច្ចនៅកម្ពុជា និងពិចារណាចាប់ដៃគូសហការ ដើម្បីពង្រីកការវិនិយោគមកកាន់កម្ពុជា។

ក្នុងជំនួបពិភាក្សាការងារជាមួយតំណាងក្រុមហ៊ុនខាងលើ លោក ចាង ជីវិញ អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តកោះកុង បានលើកឡើងថា កម្ពុជា មានបរិយាកាសពាណិជ្ជកម្មល្អ ប្រកបដោយសុខសន្ដិភាព ហើយសភាពាណិជ្ជកម្មកម្ពុជា នឹងរង់ចាំស្វាគមន៍ជួយសម្របសម្រួល ប្រសិនបើមានការស្នើសុំពីភាគីក្រុមហ៊ុន ក្នុងការមកវិនិយោគនៅកម្ពុជា។

គួរបញ្ជាក់ថា សភាពាណិជ្ជកម្មក្រោមការដឹកនាំរបស់អ្នកឧកញ៉ា គិត ម៉េង ជាប្រធានតែងតែរៀបចំកម្មវិធីទស្សនកិច្ចពាណិជ្ជកម្ម ព្រមទាំងបានរៀបចំកម្មវិធីជំនួបអាជីវកម្ម (B2B) និងចាប់ដៃគូវិនិយោគទៅកាន់ប្រទេសនានាក្នុងតំបន់ និងអន្តរជាតិ ដើម្បីពង្រឹងបន្ថែមកិច្ចសហប្រតិបត្តិការធុរកិច្ច ពាណិជ្ជកម្ម និងការវិនិយោគ៕