ភ្នំពេញ៖ ក្រសួងសាធារណការ និងដឹកជញ្ជូន ឱ្យយុវជនបញ្ឈប់សកម្មភាពបំផ្លិចបំផ្លាញទ្រព្យសម្បត្តិសាធារណៈរបស់រដ្ឋ ដោយសារនាពេលថ្មីៗនេះ នៅលើបណ្តាញសង្គម មានយុវជនមួយចំនួនបានបំផ្លិចបំផ្លាញទ្រព្យសម្បត្តិសាធារណៈរបស់រដ្ឋនៅតាមដងផ្លូវ ដែលសកម្មភាពទាំងនេះជាអំពើល្មើសនឹងច្បាប់ ទាមទារឱ្យមានវិធានការទប់ស្កាត់ជាបន្ទាន់។

បើយោងតាមក្រមព្រហ្មទណ្ឌ មាត្រា ៤១១ បានចែងថា កាលបើបទល្មើសនេះ បានប្រព្រឹត្តនាំឱ្យខូចប្រយោជន៍សំណង់គ្រឹះស្ថានសាធារណ ឬផ្លូវសាធារណៈ ត្រូវផ្តន្ទាទោសដាក់ពន្ធនាគារពី ២ឆ្នាំ ទៅ ៥ឆ្នាំ និងពិន័យជាប្រាក់ពី ៤លានរៀល ទៅ ១០លានរៀល។ នេះបើតាមការចុះផ្សាយរបស់ក្រសាធារណការ និងដឹកជញ្ជូន នាថ្ងៃទី០៩ ខែកក្កដា ឆ្នាំ២០២៥៕