ភ្នំពេញ៖ គណៈប្រតិភូធុរៈកិច្ចមកពីប្រទេសអូស្រ្តាលី ដឹកនាំដោយ ឯកឧត្តម ជីនបូរាណ ច័ន្ទបូរី ឯកអគ្គរាជកម្ពុជាប្រចាំប្រទេសអូស្រ្តាលី មកពិនិត្យ និងស្វែងយល់អំពីសក្តានុពលវិនិយោគទាក់ទងនឹងវិស័យដឹកជញ្ជូនផ្លូវអាកាស និងវិស័យកសិកម្មនៅកម្ពុជា។

គណៈប្រតិភូធុរៈកិច្ចអូស្រ្តាលី ដែលមកកម្ពុជា កាលពីថ្ងៃទី២ ខែមីនា ឆ្នាំ២០២៤ នេះ ក៏មានបំណងជំរុញឱ្យមានការចងសម្ព័ន្ធមេត្រីភាពរវាងខេត្តសៀមរាប និងក្រុង Geelong នៃប្រទេសអូស្ត្រាលីផងដែរ។ លោក អ៊ឹង គឹមលាង អភិបាលរង នៃគណៈអភិបាលខេត្តសៀមរាប បានស្វាគមន៍គណៈប្រតិភូ មកកាន់ខេត្តសៀមរាប នឹងសង្ឃឹមថា ភាគីទាំងពីរ នឹងមានទំនាក់ទំនងកិច្ចសហប្រតិបត្តិការ និងការផ្លាស់ប្ដូរទៅវិញទៅមក នឹងធ្វើឱ្យមានការអភិវឌ្ឍរួមគ្នាកាន់តែប្រសើរឡើង៕