ភ្នំពេញ៖ កម្ពុជា និងឥណ្ឌា ប្តេជ្ញាជំរុញកិច្ចសហប្រតិបត្តិការលើវិស័យសំខាន់ៗមួយចំនួន រួមមានពាណិជ្ជកម្ម វិនិយោគ ទេសចរណ៍ អប់រំ និងការតភ្ជាប់រវាងប្រជាជន និងប្រជាជន ដើម្បីរួមចំណែកដល់ការជំរុញការងារទូតសេដ្ឋកិច្ច និលើកកម្ពស់ភាពជាដៃគូឱ្យកាន់តែខ្ពស់មួយកម្រិតបន្ថែមទៀត។

ក្នុងកិច្ចពិភាក្សា រវាង លោកជំទាវ ជ្រឹង បុទុមរង្សី រដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ និង ឯកឧត្តម Vanlalvawna Bawitlung ឯកអគ្គរដ្ឋទូតនៃសាធារណរដ្ឋឥណ្ឌាប្រចាំកម្ពុជា នៅទីស្តីការក្រសួង កាលពីថ្ងៃទី១៣ ខែមីនា ឆ្នាំ២០២៦ ភាគីទាំងពីរ បានសម្តែងការពេញចិត្តចំពោះទំនាក់ទំនងដ៏ជិតស្និទ្ធរវាងប្រទេសទាំងពីរផងដែរ៕