ភ្នំពេញ៖ ក្រសួងពាណិជ្ជកម្ម សម្រេចអនុវត្តគោលការណ៍លើកលែង ការពិន័យចំពោះក្រុមហ៊ុនដែលមិនបានតម្កល់ប្រតិវេទន៍ប្រចាំឆ្នាំនីមួយៗ តាមរយៈការពិន័យត្រឹម ១ឆ្នាំចុងក្រោយ ដោយមានលក្ខខណ្ឌតម្រូវចំនួន២ ដូចខាងក្រោម៖

១. ត្រូវបង់ពិន័យប្រតិវេទន៍រយៈពេល ១ឆ្នាំចុងក្រោយ នៅក្រសួងពាណិជ្ជកម្មក្នុងអំឡុងពេល ៦០ថ្ងៃ នៃថ្ងៃធ្វើការ ចាប់ពីថ្ងៃចេញសេចក្តីជូនដំណឹងនេះ និង២. ត្រូវចូលរួមត្រួតពិនិត្យសាវតាររូបវន្តបុគ្គលរបស់ម្ចាស់ហ៊ុន (Background Check) ដើម្បីរួមចំណែកពង្រឹងការងារប្រយុទ្ធប្រឆាំងការលាងសម្អាតប្រាក់។

ក្នុងករណីក្រុមហ៊ុនមិនអនុវត្តតាមលក្ខខណ្ឌ និងកាលបរិច្ឆេទកំណត់ខាងលើ នឹងត្រូវចាត់ទុកជាក្រុមហ៊ុនអកម្ម (Inactive Company) ដែលអាចប៉ះពាល់ដល់ស្ថានភាពចុះបញ្ជី និងសិទ្ធិនានារបស់ក្រុមហ៊ុនស្របតាមការកំណត់នៅ ក្នុងច្បាប់ និងលិខិតបទដ្ឋានគតិយុត្តជាធរមាន។ នេះបើតាមសេចក្តីជូនដំណឹងរបស់ ក្រសួងពាណិជ្ជកម្ម៕