ភ្នំពេញ៖ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ជំរុញឱ្យក្រុមហ៊ុន TotalEnergies Marketing Cambodia Co., Ltd បន្តចូលរួមឱ្យកាន់តែផុលផុសបន្ថែមទៀតជាមួយរាជរដ្ឋាភិបាល ជាពិសេស ក្រសួងពាណិជ្ជកម្ម ក្នុងយុទ្ធនាការរួមគ្នាលើកស្ទួយផលិតផលខ្មែរនិងជំរុញទីផ្សារក្នុងស្រុក។

ក្នុងជំនួបនោះ លោកជំទាវ ចម និម្មល បានស្វាគមន៍ លោក យ៊ាន លីវ នាយកគ្របគ្រង់ក្រុមហ៊ុន TotalEnergies Marketing Co., Ltd និងបានថ្លែងអបអរសាទរក្នុងឱកាសដែលក្រុមហ៊ុនបានបើកសាខាស្ថានីយប្រេងឥន្ធនៈថ្មីនៅកោះនរាហ៍ ពិសេសអរគុណចំពោះក្រុមហ៊ុន TotalEnergies ដែលបានផ្តល់ការជឿទុកចិត្តមកលើរាជរដ្ឋាភិបាល លើការវិនិយោគក្នុងវិស័យថាមពលនៅក្នុងប្រទេសកម្ពុជាចាប់តាំងពីឆ្នា១៩៩៣ មក។

លើសពីនេះ លោក យ៊ាន លីវ បានលើកឡើងពីការចូលរួមចំណែករបស់ក្រុមហ៊ុន ក្នុងការលើកស្ទួយផលិតផលខ្មែរ តាមរយៈការដាក់លក់នៅម៉ាត Bonjour តាមបណ្តាស្ថានីយប្រេងឥន្ធនៈតូតាល់នៅកម្ពុជា៕