ភ្នំពេញ៖ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម វ៉ាង វិនពីន ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំកម្ពុជា ពិភាក្សាលើការរៀបចំកម្មវិធី និងព្រឹត្តការណ៍ជំរុញទេសចរណ៍នានា ក្នុងយុទ្ធនាការឆ្នាំទេសចរណ៍កម្ពុជា-ចិន ២០២៥ និងយុទ្ធសាស្រ្តបន្ថែមឱ្យស្របតាមស្ថានភាព និងនិន្នាការជាក់ស្តែង ដើម្បីទាក់ទាញវិនិយោគិន និងទេសចរចិនមកកាន់កម្ពុជាឱ្យបានច្រើនបន្ថែមទៀត ក្នុងឆ្នាំ២០២៦ ខាងមុខ។

កិច្ចពិភាក្សានេះដែរ ធ្វើឡើងក្នុងឱកាសឯកឧត្តមទាំងពីរ ចូលរួមពិធីបើកសិក្ខាសាលាថ្នាក់តំបន់ស្តីពីផែនការសកម្មភាពស្តារ និងភាពធន់វិស័យទេសចរណ៍មេគង្គឡានឆាងឆ្នាំ២០២៦-២០៣០ អមដោយការបកស្រាយរបស់ទូតទេសចរណ៍វ័យក្មេងមេគង្គ-ឡានឆាង នៅខេត្តសៀមរាប កាលពីថ្ងៃទី២១ ខែវិច្ឆិកា ឆ្នាំ២០២៥៕