ភ្នំពេញ៖ ក្រុមហ៊ុន Farm Fresh Berhad របស់ម៉ាឡេស៊ី បានចុះអនុស្សរណៈនៃការយោគយល់គ្នា (MoU)​ ជាមួយក្រុមហ៊ុន Alpha Group របស់កម្ពុជា លើការវិនិយោគផលិផលពីទឹកដោះគោស្រស់នៅកម្ពុជា។​ នេះបើតាមការចុះផ្សាយរបស់​ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី២៧ ខែតុលា ឆ្នាំ២០២៥។

ការចុះអនុស្សរណៈលើការយោគយល់គ្នាដែលបានផ្លាស់ប្តូរនាឱកាសនេះ ត្រូវបានរៀបចំឡើងក្នុងគោលបំណងដើម្បីបង្កើតកិច្ចសហការក្នុងការពង្រីកប្រតិបត្តិការអាជីវកម្ម និងការវិនិយោគរបស់ក្រុមហ៊ុន Farm Fresh Berhad មកកាន់ប្រទេសកម្ពុជា ដែលពាក់ព័ន្ធនឹងខ្សែចង្វាក់ផលិតកម្មផលិតផលចេញពីទឹកដោះគោស្រស់ ដើម្បីចូលរួមបំពេញតម្រូវការទីផ្សារ៕