ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ ប្តេជ្ញាចិត្តរួមគ្នានៃរដ្ឋជាសមាជិកអាស៊ាន និងវឌ្ឍនភាពឆ្ពោះទៅមុខសំខាន់ៗ ក្នុងការជំរុញការអភិវឌ្ឍជំនាញ និងពង្រីកកិច្ចគាំពារសង្គម។ នេះបើតាមការលើកឡើងរបស់ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ។

ក្នុងឱកាសចូលរួមកិច្ចប្រជុំឧត្តមមន្ត្រីការងារអាស៊ានលើកទី២១ នៅខេត្តសៀមរាប ឯកឧត្តម ហេង សួរ បានវាយតម្លៃខ្ពស់លើកិច្ចសហប្រតិបត្តិការរបស់អាស៊ាន ក្នុងវិស័យការងារ លើការជំរុញ និងលើកកម្ពស់ការងារសមរម្យ កិច្ចគាំពារសង្គម និងការអភិវឌ្ឍធនធានមនុស្សនៅក្នុងតំបន់ ដើម្បីកសាងសហគមន៍អាស៊ានមួយប្រកបដោយភាពធន់ ថាមវន្ត និងយកកត្ដាមនុស្សជាស្នូល៕