SME News

"Unlock business success with SME News!Advertise and connect with entrepreneurs & professionals. Elevate your brand visibility today!"

Contact Telegram

ព័ត៌មានថ្មីៗ

ព័ត៌មានថ្មីៗ

ក្រុមហ៊ុនប៊ុលហ្គារី ចាប់អារម្មណ៍នាំចេញគ្រាប់ស្វាយចន្ទីកម្ពុជា ទៅប្រទេសប៊ុលហ្គារី


ក្រុមហ៊ុនប៊ុលហ្គារី ចាប់អារម្មណ៍នាំចេញគ្រាប់ស្វាយចន្ទីកម្ពុជា ទៅប្រទេសប៊ុលហ្គារី
ពាណិជ្ជកម្ម

2025-10-20

គិត បុប្ផា

ពាណិជ្ជកម្ម

2025-10-20

គិត បុប្ផា

A+ A-

ភ្នំពេញ៖ លោក Maxim Behar ប្រធានទី១ សភាពាណិជ្ជកម្មប៊ុលហ្គារី និងជានាយកប្រតិប្រតិ្តក្រុមហ៊ុន M3 Communications Group ចាប់អារម្មណ៍នាំចេញគ្រាប់ស្វាយចន្ទីកម្ពុជា ទៅប្រទេសប៊ុលហ្គារី ពិសេសចង់សិក្សាស្វែងយល់ និងពិនិត្យលទ្ធភាពវិនិយោគវិស័យកសិកម្មកម្ពុជា។

ក្នុងជំនួបជាមួយ លោក Maxim Behar, ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់អំពីកសិផលសក្តានុពលរបស់កម្ពុជា ជាច្រើនប្រភេទ ដែលមានគុណភាពខ្ពស់ រសជាតិឆ្ងាញ់ និងជាឱកាសសម្រាប់វិនិយោគិនប៊ុលហ្គារីក្នុងការចាប់យក សំដៅលើកកម្ពស់ការកែច្នៃ វេចខ្ចប់ ហើយកម្ពុជា មានក្របខណ្ឌច្បាប់ស្តីពីការវិនិយោគ ដែលជួយគាំទ្ររាល់វិនិយោគិន ឱ្យទទួលបានអត្ថប្រយោជន៍ជាច្រើន។

នាឱកាសនោះ ឯកឧត្តម ប្រាក់ ដាវីដ បានលើកឡើងអំពីសាវតារនៃព្រឹត្តិការណ៍ CAFE25 ដែលនឹងប្រព្រឹត្តិទៅនៅពេលខាងមុខនេះ ដើម្បីផ្សារភ្ជាប់តួអង្គពាក់ព័ន្ធទាំងអស់ ក្នុងខ្សែច្រវាក់តម្លៃកសិកម្ម រួមមាន៖ កសិករអ្នកផលិត អ្នកកែច្នៃ ពាណិជ្ជករ វិនិយោគិន អ្នកតាក់តែងគោលនយោបាយ និងដៃគូអភិវឌ្ឍន៍នានាផងដែរ។

ឯកឧត្តមរដ្ឋលេខាធិការកសិកម្ម ក៏បានអញ្ជើញគណៈប្រតិភូ និងវិនិយោគិនប៊ុលហ្គារី ចូលរួមវេទិកានិងពិព័រណ៍កសិកម្មកម្ពុជា ឆ្នាំ២០២៥ (CAFE25) ដែលជាព្រឹត្តិការណ៍កសិកម្មដ៏ធំបំផុត ដំបូងបង្អស់ និងជាវេទិកាប្រវត្តិសាស្រ្តដ៏រស់រវើក ដែលមានគោលបំណងលើកកម្ពស់ពាណិជ្ជកម្ម ទាក់ទាញវិនិយោគិនក្នុងស្រុកនិងក្រៅប្រទេស និងជំរុញការកែច្នៃក្នុងវិស័យកសិ-ស្បៀងអាហារកម្ពុជា ទៅកាន់ទីផ្សារអន្តរជាតិ៕


នាំមកជូនដោយ

ព័ត៌មានពេញនិយម

រដ្ឋមន្រ្តីការបរទេសចិនបង្ហាញជំនឿចិត្តចំពោះមុខ ស...

តើ«សហគ្រិនភាពឌីជីថល»ជាអ្វី? ផ្តល់ប្រយោជន៍អ្វីខ្...

អ្វីជា«សហគមន៍កសិកម្មទំនើប»? រដ្ឋាភិបាលជួយបានអ្វ...

2024-03-26

SME News

សម្តេចធិបតី ហ៊ុន ម៉ាណែត ទស្សនាកំពង់ផែស្ងួត Than...

2023-09-11

SME News

កម្ពុជា រកចំណូលពីការនាំចេញស្រូវអង្ករជាង១ពាន់លាន...

© រក្សា​រ​សិទ្ធ​គ្រប់យ៉ាងដោយ​ អង្គភាពសារព័ត៌មាន អេស.អ៊ឹម.អ៊ី