ភ្នំពេញ៖ គណៈកម្មាធិការសេដ្ឋកិច្ច និងធុរកិច្ចឌីជីថល នឹងរៀបចំសិក្ខាសាលា ស្តីពី «ការពង្រឹងចំណេះដឹងបច្ចេកវិទ្យាហិរញ្ញវត្ថុសម្រាប់សហគ្រាសនៅកម្ពុជា» ដោយក្នុងកម្មវិធីសិក្ខាសាលានេះ នឹងបើកទទួលពាក្យស្នើសុំចូលរួមដោយឥតគិតថ្លៃចំនួន ៣០នាក់។

ក្នុងសិក្ខាសាលានេះ សិក្ខាកាមនឹងទទួលបានចំណេះដឹងផ្នែកបច្ចេកវិទ្យាហិរញ្ញវត្ថុ និងជំនាញឌីជីថល, ដំណោះស្រាយឌីជីថល ដែលអាចប្រើប្រាស់បានសម្រាប់សហគ្រាសធុនមីក្រូតូច និងមធ្យម, ជំរុញការពិភាក្សារវាងអ្នកផ្តល់សេវាបច្ចេកវិទ្យាហិរញ្ញវត្ថុ និងសហគ្រាសធុនមីក្រូតូច និងមធ្យម និងផ្តល់ឱកាសសម្រាប់ការសហការ និងពង្រីកការគាំទ្រសម្រាប់ដល់សហគ្រាសធុនមីក្រូតូច និងមធ្យម។

ចំពោះសហគ្រាស ដែលមានបំណងចូលរួមសិក្ខាសាលានេះ អាចចុះឈ្មោះចូលរួមតាមរយៈតំណភ្ជាប់ https://docs.google.com/.../1FAIpQLSdlUP_YGQeK.../viewform ត្រឹមថ្ងៃទី ១៧ ខែតុលា ឆ្នាំ២០២៥។ សូមបញ្ជាក់ថា សិក្ខាសាលាខាងលើនេះ នឹងប្រព្រឹត្តឡើងនាថ្ងៃទី២១ ខែតុលា ឆ្នាំ២០២៥ វេលាម៉ោង ៨:៣០នាទីព្រឹក នៅសណ្ឋាគារ អ៊ុកវូដ ព្រេមៀរ ភ្នំពេញ / OAKWOOD PREMIER PHNOM PENH៕