ភ្នំពេញ៖ តាមផែនការភាគីកម្ពុជា-ថៃ នឹងត្រូវបន្តជួបប្រជុំពិភាក្សាលើផែនការសកម្មភាព ពាក់ព័ន្ធនឹងការបង្កើតក្រុមការងាររវាងក្រសួងមហាផ្ទៃ និងអគ្គស្នងការដ្ឋាននគរបាលជាតិ នៅថ្ងៃទី ២៦ ខែកញ្ញា ឆ្នាំ២០២៥ ប៉ុន្តែត្រូវបានលើកពេលតាមការស្នើសុំរបស់ភាគីថៃ។ នេះបើយោងតាមក្រសួងការពារជាតិកម្ពុជា នាថ្ងៃទី២៥ ខែកញ្ញា ឆ្នាំ២០២៥។

ភាគីកម្ពុជា និងថៃ បានជួបប្រជុំលើកទី១ កាលពីថ្ងៃទី១៦ កញ្ញា ២០២៥ នៅខេត្តស្រះកែវ ប្រទេសថៃ ពាក់ព័ន្ធនឹងលើផែនការសកម្មភាពខាងលើ កិច្ចប្រជុំនោះភាគីកម្ពុជាដឹកនាំដោយឯកឧត្តមឧត្តមសេនីយ៍ឯក ស៊ាង ធារិទ្ធ អគ្គស្នងការរងនគរបាលជាតិកម្ពុជា និងភាគីថៃដឹកនាំដោយ នាយឧត្តមសេនីយ៍ Thatchai Pitaneelaboot អគ្គាធិការជាន់ខ្ពស់នៃនគរបាលភូមិន្ទថៃ៕