ភ្នំពេញ៖ ដ្រូនខ្នាតធំរបស់ថៃ ហោះចូលមកភូមិព្រៃចាន់ ស្រុកអូរជ្រៅ ខេត្តបន្ទាយមានជ័យ ដែលជាកន្លែងពលរដ្ឋប្រមូលផ្តុំរារាំងថៃ ប៉ងរាយបន្លាលួសលើដីខ្មែរ នៅម៉ោងជាង ៣រសៀល ថ្ងៃទី១៨ ខែកញ្ញា ឆ្នាំ២០២៥។

ភូមិព្រៃចាន់ គឺជាទីកន្លែងដែលកងទ័ព និងកម្លាំងប៉ូលិសថៃ បានបាញ់ឧស្ម័នបង្ហូរទឹកភ្នែក កាំភ្លើងផ្សែង និងបាញ់ជំពាម មកលើពលរដ្ឋកម្ពុជា បង្កឱ្យរងរបួស ២៨អង្គនាក់ បន្ទាប់ពីពលរដ្ឋខ្មែរ និងព្រះសង្ឃ បានរារាំងមិនឱ្យទាហានថៃ មករាយបន្លាលួសព័ទ្ធយកដីខ្មែរ នៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កាលពីថ្ងៃទី១៧ ខែកញ្ញា ឆ្នាំ២០២៥៕

ប្រភព៖ Fresh News