ភ្នំពេញ៖ លោក Anutin នាយករដ្ឋមន្រ្តីថ្មីថៃ រុញបញ្ហានៃការប៉ះទង្គិចគ្នារវាង ទាហានថៃ និងប្រជាជនកម្ពុជា ទៅឱ្យយោធាជាអ្នកដោះស្រាយ ដោយមូលហេតុថា តំបន់មានបញ្ហានោះ ស្ថិតនៅក្រោមច្បាប់អាជ្ញាសឹក។ នេះបើតាមសារព័ត៌មាន Khaosod English ចេញផ្សាយថ្ងៃទី១៨ កញ្ញា ឆ្នាំ២០២៥។

លោក Anutin បន្តបញ្ជាក់ថា លោកមិនទាន់បានចូលកាន់តំណែងជារដ្ឋាភិបាលជាផ្លូវការនៅឡើយទេ ប៉ុន្តែលោក សន្យាថា នៅពេលលោកចូលកាន់តំណែងផ្លូវការ លោកនឹងស្តាប់អ្នកដែលនៅព្រំដែន និងអ្នកទទួលខុសត្រូវផ្ទាល់លើបញ្ហាសន្តិសុខ ដូចជាការបើកច្រកព្រំដែនជាដើម។

នាយករដ្ឋមន្រ្តីថ្មីថៃ បន្តថា៖ «មេដឹកនាំប្រទេសណាក៏ដោយ ត្រូវតែការពារផលប្រយោជន៍ជាតិរបស់ខ្លួន ដូចមេដឹកនាំថៃ ត្រូវតែការពារផលប្រយោជន៍របស់ប្រទេសថៃ»៕