ភ្នំពេញ៖ សហគ្រិនខ្មែរ រៀបចំកម្មវិធី «កម្មវិធីស្តង់ដារសម្រាប់ចូលទីផ្សារ» សម្រាប់ជួយដល់សហគ្រាសធុនតូច និងមធ្យម (SMEs) នៅកម្ពុជា ត្រៀមខ្លួនចូលទីផ្សារទំនើប និងបណ្តាញចែកចាយផ្សេងៗនៅក្នុងទីផ្សារ។

បើតាមការឱ្យដឹងពីសហគ្រិនខ្មែរ ក្នុងកម្មវិធីស្តង់ដារសម្រាប់ចូលទីផ្សារនេះ ម្ចាស់អាជីវកម្ម នឹងទទួលបានការបណ្តុះបណ្តាល ការប្រឹក្សាដោយផ្ទាល់ និងការផ្សារភ្ជាប់ទំនាក់ទំនងជាមួយផ្សារទំនើប ដែលនឹងធ្វើឱ្យសហគ្រាស ទទួលបានចំណេះដឹង និងយុទ្ធសាស្រ្តដ៏មានប្រសិទ្ធភាពសម្រាប់ការរីកចម្រើន និងការប្រកួតប្រជែងក្នុងទីផ្សារ។

ចំពោះប្រធានបទបណ្ដុះបណ្ដាលសំខាន់ៗ ក្នុងកម្មវិធីខាងលើនេះ រួមមាន៖ ការស្រាវជ្រាវទីផ្សារ ការវិភាគការប្រកួតប្រជែង និងការបង្កើតយុទ្ធសាស្រ្តផ្សព្វផ្សាយ, ការកំណត់ទីតាំងផលិតផល និងម៉ាក រួមទាំងទទួលបានបណ្តាញចែកចាយ និងយុទ្ធសាស្រ្តនៃការលក់ផងដែរ។ ចំពោះម្ចាស់អាជីវកម្ម ដែលចង់ចូលរួមក្នុងកម្មវិធីខាងលើនេះ អាចចុះឈ្មោះឥឡូវនេះតាមរយៈ៖ https://forms.gle/zvJpLHB7zSi1pMFt7 ត្រឹមថ្ងៃទី០៣ ខែតុលា ឆ្នាំ២០២៥៕