ភ្នំពេញ៖ អត្រាប្តូរប្រាក់ជាមធ្យមសម្រាប់រយៈពេល ៧ខែដំបូង ឆ្នាំ២០២៥ មានកម្រិត ៤ ០១១ រៀលក្នុងមួយដុល្លារអាម៉េរិក ដែលបានឡើងថ្លៃ ១,៧% (ឆ្នាំលើឆ្នាំ) ធៀបនឹងប្រាក់ដុល្លារអាម៉េរិក។ នេះបើតាមការចុះផ្សាយរបស់ធនាគារជាតិ នៃកម្ពុជា នាថ្ងៃទី៣០ ខែសីហា ឆ្នាំ២០២៥។

ធនាគារជាតិ នៃកម្ពុជា បានឱ្យដឹងថា អត្រាប្តូរប្រាក់ជាមធ្យមប្រចាំខែបន្តមានស្ថិរភាព ដោយប្រែប្រួលបន្តិចបន្តួចពី ៤ ០៣០រៀលក្នុងមួយដុល្លារអាម៉េរិក ក្នុងខែមករា ទៅ ៤ ០១០ រៀលក្នុងមួយដុល្លារអាម៉េរិក ក្នុងខែកក្កដា។

ទិន្នន័យចុងក្រោយបានបង្ហាញថា ប្រាក់រៀលមានស្ថិរភាព និងឡើងថ្លៃជាងមុនបន្តិចបើធៀបនឹងឆ្នាំមុនៗ ដែលការកើនឡើងថ្លៃនេះបង្ហាញពីភាពប្រសើរឡើងនៃស្ថិរភាពម៉ាក្រូសេដ្ឋកិច្ច កំណើនជំនឿទុកចិត្តលើប្រាក់រៀល និងការអនុវត្តនយោបាយរូបិយវត្ថុប្រកបដោយភាពបត់បែននិងប្រុងប្រយ័ត្ន៕