ភ្នំពេញ៖ សហគ្រិនខ្មែរ ជំរុញឱ្យម្ចាស់សហគ្រាស ចូលរួមក្នុង «កម្មវិធីអភិវឌ្ឍន៍ទីផ្សារនាំចេញ» ដើម្បីទទួលបានចំណេះដឹងបច្ចេកទេស, ការត្រៀមខ្លួនសម្រាប់ទីផ្សារនាំចេញ និងទទួលបានការគាំទ្រទៅកាន់ទៅទីផ្សារអន្តរជាតិ។

«កម្មវិធីអភិវឌ្ឍន៍ទីផ្សារនាំចេញ» នេះដែរ នឹងផ្តល់នូវវគ្គបណ្តុះបណ្តាលស៊ីជម្រៅទាក់ទងផ្នែកនាំចេញ, ផ្នែកជំនួយបច្ចេកទេស គាំទ្រ និងបំពេញបន្ថែមលើចំណុចខ្វះខាតសម្រាប់ការត្រៀមខ្លួននាំចេញ និងឱកាសទទួលបានហិរញ្ញប្បទាន ដោយក្នុងនោះសហគ្រាសចូលរួម នឹងមានឱកាសទទួលបានហិរញ្ញប្បទានពីសហគ្រិនខ្មែរ តាមរយៈកម្មវិធី កញ្ចប់ជំនួយសហគ្រិនខ្មែរ ++។

ចំពោះសហគ្រាស ដែលមានចំណាប់អារម្មណ៍ចូលរួម អាចចុះឈ្មោះ តាមរយៈតំណភ្ជាប់ https://forms.gle/Xv4FXcXuJgru293B8 ត្រឹមថ្ងៃទី២០ ខែសីហា ឆ្នាំ២០២៥។ «កម្មវិធីអភិវឌ្ឍន៍ទីផ្សារនាំចេញសម្រាប់សហគ្រាស» ត្រូវបានរៀបចំឡើងក្នុងគោលបំណងផ្តល់ជូនសហគ្រាសធុនតូច និងមធ្យម នូវចំណេះដឹងនិងសមត្ថភាព ដើម្បីត្រៀមខ្លួនសម្រាប់ការនាំចេញ និងការពង្រីកសហគ្រាសរបស់ពួកគេទៅកាន់ទីផ្សារអន្តរជាតិ៕