ភ្នំពេញ៖ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានឱ្យរដ្ឋាករស្វយ័តដឹកជញ្ជូនសាធារណៈរថយន្តក្រុង (City Bus) រាជធានីភ្នំពេញ រៀបចំរថយន្តក្រុងសាធារណៈ សម្រាប់ដឹកជញ្ជូនពលករដែលចាកចេញពីប្រទេសថៃ និងដើម្បីធានាឱ្យបាននូវសុខសុវត្ថិភាព ដល់ពលករដែលចេញតាមច្រកអន្ដរជាតិព្រំដែនកម្ពុជា-ថៃ វិលត្រឡប់មកមាតុប្រទេសវិញ។

ជាមួយគ្នានេះ ក្រុមការងាររថយន្តក្រុងសាធារណៈ បានប្ដេជ្ញាចិត្តអនុវត្តន៍ការងារប្រកបដោយឆន្ទៈ មនសិការស្នេហាជាតិ និងមានទំនួលខុសត្រូវខ្ពស់ ចំពោះការដឹកជញ្ជូនបងប្អូនពលករទាំងអស់ដែលចាកចេញពីប្រទេសថៃ តាមច្រកព្រំដែនកម្ពុជា-ថៃ វិលត្រឡប់មកកាន់លំនៅឋានវិញ ប្រកបដោយសុខសុវត្ថិភាព និងផាសុកភាព៕