ភ្នំពេញ៖ អនុព័ន្ធយោធាម៉ាឡេស៊ីប្រចាំកម្ពុជា លោកវរសេនីយ៍ឯក Nazlee Bin Abdul Rahim ដឹកនាំក្រុមការងារសម្របសម្រួល សម្រាប់ក្រុមអ្នកសង្កេតការណ៍អន្តរកាល ចំនួន ៧ ប្រទេស ធ្វើដំណើរទៅបំពេញបេសកកម្មនៅខេត្តឧត្តរមានជ័យ ដែលជាការអនុវត្តន៍យ៉ាងម៉ឺងម៉ាត់ ស្របតាមខ្លឹមសារដែលបានឯកភាពគ្នា ក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា និងថៃ(GBC) កាលពីថ្ងៃទី៧ ខែសីហា ឆ្នាំ២០២៥ នៅទីក្រុងកូឡាឡាំពួរ ប្រទេសម៉ាឡេស៊ី។

ការដឹកនាំក្រុមការងារសម្របសម្រួល សម្រាប់ក្រុមអ្នកសង្កេតការណ៍អន្តរកាល ចំនួន ៧ ប្រទេស ធ្វើដំណើរទៅបំពេញបេសកកម្មនៅ ខេត្តឧត្តរមានជ័យ នាព្រឹកថ្ងៃទី៨ ខែសីហា ឆ្នាំ២០២៥ នេះរួមមាន៖

១. អនុព័ន្ធយោធាម៉ាឡេស៊ីប្រចាំកម្ពុជា (ប្រធាន)

២. អនុព័ន្ធយោធាមីយ៉ាន់ម៉ាប្រចាំកម្ពុជា

៣. អនុព័ន្ធយោធាឥណ្ឌូនេស៊ីប្រចាំកម្ពុជា

៤. អនុព័ន្ធយោធាសិង្ហបុរីប្រចាំកម្ពុជា មាននិវេសនដ្ឋាននៅរដ្ឋធានីហាណូយ

៥. ជំនួយការអនុព័ន្ធយោធាវៀតណាមប្រចាំកម្ពុជា

៦. ជំនួយការអនុព័ន្ធយោធាឡាវប្រចាំកម្ពុជា

៧. ជំនួយការអនុព័ន្ធយោធាហ្វីលីពីនប្រចាំកម្ពុជា។

នេះបើយោងតាមអ្នកនាំពាក្យក្រសួងការពារជាតិថ្លែង នៅម៉ោង១១ ព្រឹកថ្ងៃទី៨ ខែសីហា ឆ្នាំ២០២៥។