ផ្ទះសំណាញ់ថ្មីចំនួន៥០ខ្នង របស់សហគមន៍កសិកម្មទំនើបបន្លែផ្ទះសំណាញ់ត្រាំកក់ កំពុងតែលេចចេញជារូបរាងបណ្តើរៗ។ យោងតាម ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ ផ្ទះសំណាញ់ថ្មីចំនួន៥០ ខ្នង នេះនឹងក្លាយទៅជាបង្អែកដ៏រឹងមាំ សម្រាប់ការធ្វើផលិតកម្មរួមគ្នាក្នុងវិសាលភាពធំជាងមុន ព្រមទាំងផ្តល់ការគាំទ្រប្រកបដោយនិរន្តរភាព ដល់សមាជិកជាអ្នកដាំបន្លែនៅក្នុងសហគមន៍ផងដែរ។