ភ្នំពេញ៖ ធនាគារ ABA បរិច្ចាគថវិកា ១លានដុល្លារ ដើម្បីទ្រទ្រង់ដល់កិច្ចការសង្គ្រោះប្រជាពលរដ្ឋខ្មែរ ដូចជាមនុស្សចាស់ ស្ដ្រី កុមារតូចៗ ដែលកំពុងរងនូវផលប៉ះពាល់ពីបញ្ហាជម្លោះព្រំដែន។ នេះបើតាមការចុះផ្សាយរបស់ ធនាគារ ABA នាថ្ងៃទី២៩ ខែកក្កដា ឆ្នាំ២០២៥។

ការបរិច្ចាគនេះ ឆ្លុះបញ្ចាំងពីការប្តេជ្ញាចិត្តរបស់ ធនាគារ ABA ដែលបានជួយដល់ប្រជាពលរដ្ឋខ្មែរ ក្នុងគ្រាដែលប្រទេសជាតិជួបការលំបាក តាមរយៈការផ្តល់ជាស្បៀងអាហារបន្ទាន់ សម្ភារធ្វើទីជម្រក សេវាសុខាភិបាល និងជំនួយសំខាន់ផ្សេងៗទៀតដល់គ្រួសារ ដែលរងផលប៉ះពាល់ដោយជម្លោះនេះ។

លើសពីការបរិច្ចាគដោយផ្ទាល់នេះ ធនាគារ ABA ក៏បានបង្កើតជាផ្លូវការនូវយុទ្ធនាការរៃអង្គាសថវិកាផងដែរ ដោយក្នុងនោះសាធារណជន អាចចូលរួមបរិច្ចាគ តាមរយៈលីង៖ ជាលុយរៀល https://link.payway.com.kh/w53700054 និងលុយដុល្លារ៖ https://link.payway.com.kh/S6370000p៕