ភ្នំពេញ៖ ព័ត៌មានក្លែងបន្លំ(Disinformation) ជាព័ត៌មានដែលមិនមានទិន្នន័យត្រឹមត្រូវ ឬខ្វះខាត ហើយត្រូវបានចែករំលែកដោយចេតនា ដើម្បីបង្កើតការយល់ច្រឡំបង្កជាភាពចលាចល និងបំភាន់សាធារណជន ដោយសារការចែករំលែកមិនមានភាពស្មោះត្រង់ៗ។

ចំណែក ព័ត៌មានក្លែងក្លាយ (Fake News) គឺជាព័ត៌មានបែបបោកបញ្ឆោតអ្នកអានដោយអត្ថន័យរបស់អត្ថបទផ្សព្វផ្សាយ មានភាពក្លែងបន្លំថាជាព័ត៌មានពិត ព័ត៌មានប្រភេទនេះផ្សព្វផ្សាយតាមរយៈជនអនាមិក (Anonymous ) គេហទំព័រ ឬគណនីរបស់បុគ្គលដែលភាគច្រើនមានចំណងជើងគួរឱ្យចាប់អារម្មណ៏ ប៉ុន្តែប្រភពដែលគួរឱ្យជឿទុកចិត្តបាន។

ចំពោះ វិធីសាស្ត្រក្នុងការកំណត់ព័ត៌មានក្លែងបន្លំ និងព័ត៌មានក្លែងក្លាយ មានដូចជា៖ ពិនិត្យមើលប្រភពនៃអត្ថបទ, ពិនិត្យមើលអ្នកនិពន្ធ, ពិនិត្យមើលភស្តុតាង, សង្កេតមើលរូបភាព និងប្រៀបធៀបជាមួយព័ត៌មានដទៃ៕