ភ្នំពេញ៖ ខេត្តតាកែវ កំពុងមានតម្រូវការបន្ទាន់នូវកម្លាំងពលកម្មប្រមាណ ១៤,០០០នាក់ ដើម្បីបំពេញតម្រូវការរោងចក្រ សហគ្រាសក្នុងស្រុក។ នេះបើតាមការចុះផ្សាយរបស់ រដ្ឋបាលខេត្តតាកែវ នាថ្ងៃទី១៣ ខែមិថុនា ឆ្នាំ២០២៥។

ឯកឧត្តម វ៉ី សំណាង អភិបាលខេត្តតាកែវ មានប្រសាសន៍ថា ក្នុងឆមាសទី១ ឆ្នាំ២០២៥ នេះ ខេត្តតាកែវ នឹងមានរោងចក្រ សហគ្រាសថ្មីចំនួន ២៣កន្លែង ដែលបានបោះទុនវិនិយោគប្រមាណ ៧៥លានដុល្លារអាម៉េរិក និងអាចផ្ដល់ឱកាសការងារសរុបដល់ទៅ ១៥,០០០កន្លែងផងដែរ។

ចំពោះសាធារណជន ដែលមានចំណាប់អារម្មណ៍ចង់បម្រើការងារនៅខេត្តតាកែវនេះ អាចទំនាក់ទំនងមកកាន់មន្ទីរការងារខេត្តតាកែវផ្ទាល់ ឬតាមរយៈលេខទូរសព្ទ ០១៧ ២៩៨ ៨៨៣, ០៩៦ ២២២ ២១៧៥,០១២ ៩៧៨ ២៦៣ និង០១០ ៩៨៩ ៨៥៨៕