ភ្នំពេញ៖ ការការពារកុមារតាមអ៊ីនធឺណិត គឺជាបញ្ហាប្រឈមសកលមួយ ដែលទាមទារវិធីសាស្ត្ររួម និងការឆ្លើយតបជាសកល ក្នុងកិច្ចសហប្រតិបត្តិការអន្តរជាតិ និងការសម្របសម្រួលថ្នាក់ជាតិ ដើម្បីការពារកុមារពីហានិភ័យតាមអ៊ីនធឺណិត និងគ្រោះថ្នាក់ដែលអាចកើតមាន ពិសេសផ្តល់សិទ្ធិឱ្យពួកគេទទួលបានអត្ថប្រយោជន៍ពេញលេញពីអ៊ីនធឺណិត។

បើតាមយោងតាម កម្ពុជា ៤.០ បានឱ្យដឹងថា សព្វថ្ងៃនេះ កុមារកំពុងធំធាត់ឡើង និងរស់នៅក្នុងពិភពឌីជីថល ដែលបង្ហាញឱ្យឃើញថា កុមារ អាចងាយនឹងរងហានិភ័យពីប្រព័ន្ធអ៊ីនធឺណិត ជាក់ស្តែងយោងតាមរបាយការណ៍របស់វិទ្យាស្ថានសិក្សាកុមារអាហ្វ្រិក បង្ហាញថា ១៣-១៩% នៃកុមារដែលភាគច្រើនមានអាយុចន្លោះពី ១២ ទៅ ១៦ឆ្នាំ ធ្លាប់មានបទពិសោធនៃការស្វែងរកផ្លូវភេទតាមអ៊ីនធឺណិត៕