ភ្នំពេញ៖ ក្រសួងពាណិជ្ជកម្ម ជំរុញឱ្យពាណិជ្ជករ និងសាធារណជនទូទៅ ចូលរួម «កម្មវិធីតាំងពិព័រណ៍អាស៊ាន-ឥណ្ឌា ឆ្នាំ២០២៦ (ASEAN-India Bazaar 2026)» ដែលរៀបចំដោយស្ថានបេសកកម្មឥណ្ឌាប្រចាំអាស៊ាន នៅថ្ងៃទី២៣ ខែឧសភា ឆ្នាំ២០២៦ នៅសណ្ឋាគារ The Westin ទីក្រុងហ្សាការតា ប្រទេសឥណ្ឌូនេស៊ី។

ពិព័រណ៍អាស៊ាន-ឥណ្ឌា ឆ្នាំ២០២៦ នេះ រៀបចំឡើងដើម្បីបង្ហាញពីវប្បធម៌ និងប្រពៃណីរបស់អាស៊ាន និងឥណ្ឌា តាមរយៈសិប្បកម្ម សម្លៀកបំពាក់ ម្ហូបអាហារ និងផ្តល់ជាកាលានុវត្តភាពសម្រាប់សហគ្រាសធុនមីក្រូ តូច និងមធ្យម (MSMEs) នៃបណ្តាប្រទេសសមាជិកអាស៊ាន និងឥណ្ឌា ក្នុងការតាំងបង្ហាញ និងផ្សព្វផ្សាយផលិតផល ឬសេវាកម្មរបស់ខ្លួនរួមគ្នា។

ជាមួយគ្នានេះ គណៈកម្មការរៀបចំ បានផ្តល់ស្តង់ចំនួនមួយដល់ក្រុមហ៊ុនកម្ពុជា ដែលកំពុងធ្វើប្រតិបត្តិការធុរកិច្ចក្នុងវិស័យខាងលើ ដើម្បីចូលរួមក្នុងកម្មវិធី។ ជាមួយគ្នានេះ ពាណិជ្ជករ និងសាធារណជនទូទៅ ដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ខាងលើ អាចទំនាក់ទំនងមកនាយកដ្ឋានជំរុញពាណិជ្ជកម្ម និងកិច្ចការពិព័រណ៍ នៃអគ្គនាយកដ្ឋានគោលនយោបាយ និងជំរុញពាណិជ្ជកម្មនៃក្រសួងពាណិជ្ជកម្ម តាមរយៈ +៨៥៥ ៧៧ ៣៦១ ៨៣៦ / +៨៥៥ ៨៧ ៧៥៥ ៥៥១ ឬតាមរយៈប្រព័ន្ធទូរស័ព្ទសាធារណៈរបស់ក្រសួងពាណិជ្ជកម្ម ១២៦៦ ឬអីុម៉ែល៖ [email protected] / [email protected] ៕