ភ្នំពេញ៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នឹងរៀបចំការប្រកួតប្រជែងពានរង្វាន់វិទ្យាសាស្ត្រ ឆ្នាំ២០២៦ នៅថ្ងៃទី២៦-២៨ ខែមីនា ឆ្នាំ២០២៦ ដើម្បីផ្ដល់ឱកាសដល់សិស្សានុសិស្ស ក្នុងការបង្កើនទំនុកចិត្ត និងបង្ហាញសមត្ថភាព តាមរយៈការចូលរួមប្រកួតប្រជែងវិទ្យាសាស្ត្រថ្នាក់ខេត្ត និងថ្នាក់ជាតិ ជាផ្នែកមួយនៃ «ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ ឆ្នាំ២០២៦ (National STI DAY 2026)»។

ចំពោះ បេក្ខជន ដែលមានបំណងចូលរួមការប្រកួតប្រជែងពានរង្វាន់វិទ្យាសាស្ត្រ ឆ្នាំ២០២៦ ត្រូវជាសិស្សថ្នាក់ទី១០ និងទី១១ ទាំងសាលារដ្ឋ និងឯកជន, ត្រូវមានកម្រិតចំណេះដឹងទូទៅ និងមានចំណាប់អារម្មណ៍ខ្ពស់លើមុខវិជ្ជាស្ទែម។ រីឯ ជ័យលាភីវិញ បេក្ខជន នឹងទទួលបាន ដូចជា៖ លេខ១. ទទួលបាន ៦លានរៀល, លេខ២. ទទួលបាន ៤លានរៀល និងលេខ៣. ទទួលបាន ២លានរៀល។

បេក្ខជន ដែលមានចំណាប់អារម្មណ៍ អាចដាក់ពាក់បានតាមរយៈ https://forms.gle/8oSXAadCTgLZfUWF7 រហូតដល់ថ្ងៃទី២៥ ខែមករា ឆ្នាំ២០២៦ ខណៈដែល ព័ត៌មានលម្អិត អាចទាក់ទងបានតាមរយៈ 010 366 833៕