ភ្នំពេញ៖ ផលិតផលខ្មែរ ត្រូវបានដាក់លក់ក្នុងផ្សារទំនើបធំៗ និងផ្សារមិនីម៉ាតល្បីៗ នៅតាមប្រទេសគោលដៅជាង ២ម៉ឺនទីតាំង ជាពិសេសអូស្ត្រាលី ចិន ជប៉ុន កូរ៉េ ម៉ាឡេស៊ី ចក្រភពអង់គ្លេស សហរដ្ឋអាម៉េរិក និងសហភាពអឺរ៉ុប (ហ្វាំងឡង់ បារាំង អាល្លឺម៉ង់ អ៊ុតាលី និងហូឡង់) ក្រោមការសម្របសម្រួល របស់ក្រសួងពាណិជ្ជកម្ម។ បើតាមសមិទ្ធផលការងាររបស់ក្រសួងពាណិជ្ជកម្ម ២០២៥។

ចំពោះកិច្ចការពិព័រណ៍ ការតាំងពិព័រណ៍នៅរាជធានី-ខេត្ត វិញ ក្រសួងពាណិជ្ជកម្ម បានរៀបចំពិព័រណ៍ ៣៥ មានក្រុមហ៊ុន-សហគ្រាស ១ ៨០៣ចូលរួម, ស្តង់ពាណិជ្ជកម្មចំនួន ២០៦៩ និងមានអ្នកទស្សនាសរុប ៤០៣ ១៣៦។ ចំណែក ការចូលរួមនិងរៀបចំពិព័រណ៍ក្នុង និងក្រៅប្រទេស និងពិភពលោករបស់ក្រសួងពាណិជ្ជកម្ម មានចំនួនអ្នកទស្សនាសរុប ជាង ២លាននាក់ ក្នុងនោះមានក្រុមហ៊ុន-សហគ្រាស ៥០៣ចូលរួម៕