ភ្នំពេញ៖ សម្តេចតេជោ ហ៊ុន សែន ក្នុងនាមព្រឹទ្ធសភាកម្ពុជា និងគណបក្សប្រជាជនកម្ពុជា ប្តេជ្ញាចិត្តយ៉ាងមុតមាំក្នុងការបន្តធ្វើការយ៉ាងជិតស្និទ្ធជាមួយ ឯកឧត្តមនាយឧត្តមសេនីយ៍ មីន អោងឡាំង ប្រធានក្រុមប្រឹក្សារដ្ឋបាលរដ្ឋ សាធារណរដ្ឋសហភាពមីយ៉ាន់ម៉ា ដើម្បីបង្កើនចំណងមិត្តភាពទ្វេភាគី និងពហុភាគី ដើម្បីបម្រើឧត្តមប្រយោជន៍របស់ប្រទេស យើងទាំងពីរ។

ក្នុងឱកាសដ៏ឧត្តុង្គឧត្តម នៃខួបលើកទី៧៨ នៃទិវាបុណ្យឯករាជ្យ នៃសាធារណរដ្ឋសហភាពមីយ៉ាន់ម៉ា សម្តេចតេជោ ហ៊ុន សែន បានវាយតម្លៃខ្ពស់ចំពោះទំនាក់ទំនងទ្វេភាគីដ៏រឹងមាំរបស់ប្រទេសទាំងពីរ ដែលមានឫសគល់នៅក្នុងតម្លៃវប្បធម៌ និងសាសនារួមគ្នា ការគោរពគ្នាទៅវិញ ទៅមក និងការយោគយល់គ្នា ដែលជាមូលដ្ឋានគ្រឹះដ៏រឹងមាំសម្រាប់កិច្ចសហប្រតិបត្តិការដែលផ្តល់ផល ប្រយោជន៍ទៅវិញទៅមក និងដែលកំពុងរីកចម្រើនរបស់យើង៕