ភ្នំពេញ៖ ឯកឧត្តម វ៉ាង វ៉ិនពីន ឯកអគ្គរដ្ឋទូតចិនប្រចាំកម្ពុជា ជំរុញឱ្យភាគីកម្ពុជា-ថៃ បញ្ឈប់ការបាញ់ប្រហារគ្នាឱ្យបានឆាប់ និងចាប់ផ្តើមសន្ទនាឡើងវិញនិងដោះស្រាយជម្លោះព្រំដែនដោយសន្តិវិធី ដោយចិន ចាត់ទុកថាបញ្ហានេះជាភារកិច្ចបន្ទាន់ដែលត្រូវដោះស្រាយ។

ឯកឧត្តម វ៉ាង វ៉ិនពីន គូសបញ្ជាក់ថា ភាគីចិនគាំទ្រដល់កិច្ចខិតខំប្រឹងប្រែងសម្របសម្រួលរបស់អាស៊ាន និងគាំទ្រតួនាទីដ៏សំខាន់របស់ក្រុមសង្កេតការណ៍អាស៊ានក្នុងការឃ្លាំមើលបទឈប់បាញ់ រីករាយក្នុងការបង្កើតលក្ខខណ្ឌឡើងវិញនិងផ្តល់វេទិកាសម្រាប់ការសន្ទនា និងកិច្ចចរចារវាងភាគីទាំងពីរ។

បើតាមឯកអគ្គរដ្ឋទូត ចិនសង្ឃឹមថាកម្ពុជានិងថៃនឹងរួមដំណើរគ្នាបន្តទៅមុខ ខិតខំស្តារទំនុកចិត្តគ្នាទៅវិញទៅមក និងកសាងសន្តិភាពឡើងវិញតាមបណ្តោយព្រំដែន។ នេះបើយោងតាម ហ្វេសប៊ុកឯកឧត្តម វ៉ាង វ៉ិនពីន នៅព្រឹកថ្ងៃទី២៤ ខែធ្នូ ឆ្នាំ២០២៥។