ភ្នំពេញ៖ អគ្គនាយកដ្ឋានគយនិងរដ្ឋាករកម្ពុជា នឹងដាក់ឱ្យដំណើរការប្រព័ន្ធស្នើសុំវិធានបញ្ជាក់ជាមុន ចាប់ពីថ្ងៃទី១ ខែធ្នូ ឆ្នាំ២០២៥ នេះតទៅ ដើម្បីរួមចំណែកក្នុងកិច្ចសម្រួលពាណិជ្ជកម្មឱ្យកាន់តែប្រសើរឡើងមួយកម្រិតទៀត។

បើតាមសេចក្តីជូនដំណឹង ការដាក់ឱ្យដំណើរការជំហានដំបូងប្រព័ន្ធស្នើសុំវិធានបញ្ជាក់ជាមុននេះ គឺយោងតាមប្រកាសលេខ ០០២ សហវ ប្រក.អគរ ចុះថ្ងៃទី០៤ ខែមករា ឆ្នាំ២០១៣ របស់ក្រសួងសេដ្ឋកិច្ចនិង ហិរញ្ញវត្ថុ ស្តីពីការអនុវត្តវិធានបញ្ជាក់ជាមុន (Advance Ruling) លើចំណាត់ថ្នាក់ទំនិញតាមតារាងពន្ធគយ ដើមកំណើតទំនិញ និងតម្លៃគិតពន្ធគយ៕