ភ្នំពេញ៖ គម្រោង CAPRED ដែលជាកម្មវិធីអភិវឌ្ឍន៍សេដ្ឋកិច្ចដ៏សំខាន់មួយរបស់ អូស្ត្រាលីនៅកម្ពុជា ចុះទស្សនកិច្ចសិក្សាស្វែងយល់ដោយផ្ទាល់ពីសហគមន៍កសិកម្មទំនើប នៅត្រាំកក់ និងពិនិត្យលទ្ធភាពពង្រីកកិច្ចសហប្រតិបត្តិការកាន់តែទូលំទូលាយបន្ថែម ដើម្បីគាំទ្រដល់សហគមន៍កសិកម្មទំនើបនេះ។

បើតាមការលើកឡើងរបស់ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្មរុក្ខាប្រមាញ់ និងនេសាទ កាលពីថ្ងៃទី១៨ ខែកញ្ញា ឆ្នាំ២០២៥ ក្រៅពីអត្ថប្រយោជន៍ដោយផ្ទាល់ជាច្រើន សមាជិកនៃសហគមន៍កសិកម្មទំនើប ត្រូវបានផ្តល់អាទិភាពទទួលបានជំនួយឧបត្ថម្ភគាំទ្របន្ថែមពីគម្រោង និងដៃគូអភិវឌ្ឍន៍នានាផងដែរ៕