ភ្នំពេញ៖ លោក ALFARO MICHAEL BARRY ដែលបានមករាយការណ៍ព័ត៌មាន នៅកម្ពុជា ស្តីពីស្ថានភាពក្រោយជម្លោះព្រំដែនកម្ពុជា-ថៃ លោក បានសរសេរនៅលើបណ្តាញសង្គមរបស់លោក កាលពីល្ងាច

ថ្ងៃទី១៦ សីហាម្សិលមិញថា លោកកំពុងនៅប្រទេសកម្ពុជា ប៉ុន្តែលោកត្រូវបានអញ្ជើញ រដ្ឋាភិបាលថៃ ដើម្បីស្វែងយល់ពីទីនោះ ហើយលោកសម្រេចចិត្ត ថាទៅតបតាមការអញ្ជើញនេះ។

លោកសង្កត់ធ្ងន់ថា ក្នុងនាមជាអ្នកសារព័ត៌មានម្នាក់ បេសកកម្មរបស់លោក គឺដើម្បីស្វែងរកការពិត ពាក់ព័ន្ធនឹងជម្លោះព្រំដែនេះ ដើម្បីនឹងរាយការណ៍ ទៅកាន់ប្រជាជនសហរដ្ឋអាម៉េរិក និងពិភពលោក។

លោកបន្ថែមថា បន្ទាប់ពីជួបជាមួយមន្ត្រីថៃ លោកនឹងត្រឡប់ទៅជួបលោកប្រធានាធិបតីសហរដ្ឋអាម៉េរិក ដូណាល់ ត្រាំ ដើម្បីសង្ខេបព័ត៌មានជូន ក្នុងគោលបំណងឱ្យលោកប្រធានាធិបតី ទទួលបានព័ត៌មានច្បាស់ ក្នុងការធ្វើការសម្រេចចិត្ត ឆ្ពោះទៅរកការស្វែងរកសន្តិភាព ពិតប្រាកដមួយរវាងកម្ពុជា និងថៃ៕