ភ្នំពេញ៖ ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា នាថ្ងៃទី១៥ សីហា នេះ បានផ្ញើញត្តិបន្ទាន់មួយទៅកាន់ អ្នករាយការណ៍ពិសេសទទួលបន្ទុកសិទ្ធិលំនៅដ្ឋាន ប្រចាំនៅទីក្រុងហ្សឺណែវ ប្រទេសស្វីស ដោយបង្ហាញពីគោលបំណងសំខាន់ចំនួន៤ រួមមាន៖

ទី១, ជំរុញឱ្យភាគីថៃរើបន្លាលួសបន្លា និងកង់ឡាន ដែលបានដាក់ពង្រាយខុសច្បាប់លើទឹកដីកម្ពុជាចេញវិញ។

ទី២, ធានាការប្រគល់ទ្រព្យសម្បត្តិ និងស្រែចំការរបស់ពលរដ្ឋខ្មែរទាំងអស់ ដែលត្រូវបានភាគីថៃរំលោភយក។

ទី៣, ជំរុញឱ្យភាគីថៃគោរពកិច្ចព្រមព្រៀងឈប់បាញ់ ដែលធ្វើឡើងនៅថ្ងៃទី២៨ ខែសីហា ឆ្នាំ២០២៨ ក្រោមការសម្របសម្រួលពីប្រធានអាស៊ាន និងមានការចូលរួមសង្កេតការណ៍ពី តំណាងសហរដ្ឋអាមេរិក និងចិន នៅប្រទេសម៉ាឡេស៊ី និងការព្រមព្រៀង១៣ចំណុច នៃកិច្ចប្រជុំ GBC នៅប្រទេសម៉ាឡេស៊ី កាលពីថ្ងៃទី៧ ខែសីហា ឆ្នាំ២០២៥ កន្លងទៅ។

និងទី៤, បង្កើតក្រុមការងារចំពោះកិច្ច ក្នុងការស៊ើបអង្កេតនិងស្វែងរកអ្នកទទួលខុសត្រូវ និងអ្នកពាក់ព័ន្ធចំពោះអំពើរំលោភបំពាននេះ និងជំរុញឱ្យភាគីថៃដោះលែងកងទ័ពកម្ពុជាទាំង១៨រូប ជាបន្ទាន់ និងឥតលក្ខខណ្ឌ៕