ភ្នំពេញ៖ សាជីវកម្មធានាឥណទានកម្ពុជា (CGCC) នឹងរៀបចំកម្មវិធីកសាងសមត្ថភាពសហគ្រិនរបស់សាជីវកម្មធានាឥណទានកម្ពុជា - Entrepreneurship Program Initiative of CGCC (EPIC) វគ្គទី៦ ផ្តោតលើប្រធានបទ៖ «គន្លឹះក្នុងការទទួលបាន និងការប្រើប្រាស់ហិរញ្ញប្បទានផ្លូវការ ប្រកបដោយការទទួលខុសត្រូវ និងប្រសិទ្ធភាព»។

សម្រាប់អ្នកដែលអាចចូលរួមកម្មវិធីខាងលើបាន ត្រូវជាម្ចាស់អាជីវកម្ម ឬជាអ្នកធ្វើការសម្រេចចិត្តនៃអាជីវកម្មខ្នាតមីក្រូ តូច និងមធ្យម, អាជីវកម្មដែលមានប្រតិបត្តិការ យ៉ាងហោចណាស់ ១ឆ្នាំ, មានតម្រូវការកម្ចីពីធនាគារ/គ្រឹះស្ថានមីក្រូហិរញ្ញវត្ថុ សម្រាប់ជាទុនបង្វិល ឬពង្រីកអាជីវកម្ម, សហគ្រិនស្រ្តីត្រូវបានផ្តល់អាទិភាព និងជាម្ចាស់សហគ្រាស សិប្បកម្ម និងប្រតិបត្តិករផ្គត់ផ្គង់ទឹកស្អាត។

ម្ចាស់អាជីវកម្ម អាចដាក់ពាក្យចូលរួមកម្មវិធីខាងលើ ដែលនឹងរៀបចំឡើង នាថ្ងៃទី១២ ខែកញ្ញា ឆ្នាំ២០២៥ (វេលាម៉ោង៨ និង៣០នាទីព្រឹក រហូតដល់ម៉ោង៥ល្ងាច) នេះបាន ត្រឹមថ្ងៃទី៥ ខែកញ្ញា ឆ្នាំ២០២៥ តាមរយៈតំណភ្ជាប់ https://forms.gle/364kZZTx9rHoNpCX7៕