ភ្នំពេញ៖ SDF មានដៃគូសហការជាគ្រឹះស្ថានបណ្ដុះបណ្ដាលចំនួន៦២ សមាគមធុរកិច្ចចំនួន២៣ និងសហគ្រាសគ្រប់ធុនចំនួន៤៤៨ ដែលនេះជាបណ្តាញដ៏ទូលំទូលាយ និងមានឥទ្ធិពលក្នុងការពង្រីកបណ្តាញពាណិជ្ជកម្ម និងអភិវឌ្ឍន៍ជំនាញ គិតត្រឹមខែសីហា ឆ្នាំ២០២៥ នេះ។

បើតាមការចុះផ្សាយរបស់ SDF ដៃគូសហការទាំងនេះ នឹងអាចឆ្លើយតបទៅនឹងតម្រូវការក្នុងឧស្សាហកម្ម និងបំពេញគម្លាតព័ត៌មានរវាង ភាគីផ្គត់ផ្គង់ជំនាញ (គ្រឹះស្ថានបណ្ដុះបណ្ដាល) និងភាគីត្រូវការជំនាញ (វិស័យឯកជន)។

SDF នៅតែបន្តស្វាគមន៍ដៃគូសហការផ្សេងទៀត ទាំងគ្រឹះស្ថានបណ្ដុះបណ្ដាល រោងចក្រ-សហគ្រាសគ្រប់ធុន និងដៃគូអភិវឌ្ឍន៍នានា ដើម្បីរួមគ្នាអភិវឌ្ឍន៍ធនធានមនុស្សនៅកម្ពុជា ឱ្យកាន់តែកើនឡើងទាំងបរិមាណ និងគុណភាព៕