ភ្នំពេញ៖ ភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានបើកកម្មវិធី «វេទិកាការងារ» ដើម្បីនាំយកឱកាសការងារជូនដល់បងប្អូនប្រជាពលរដ្ឋ ពិសេសពលករខ្មែរដែលទើបត្រឡប់មកពីប្រទេសថៃ នៅស្រុកទ្រាំង ខេត្តតាកែវ នៅថ្ងៃទី១០ ខែសីហា ឆ្នាំ២០២៥។

ក្នុងឱកាសនោះ ក្រុមការងាររបស់ក្រសួងបានផ្សព្វផ្សាយអំពីឱកាសការងារ ការបណ្តុះបណ្តាលជំនាញបច្ចេកទេស និងវិជ្ជាជីវៈ និងអត្ថប្រយោជន៍នៃរបបសន្តិសុខសង្គម (ប.ស.ស.) ជូនដល់អ្នកចូលរួមប្រមាណ ៣៥០នាក់ នៅឃុំអង្កាញ់ និងឃុំអង្គខ្នុរ ស្រុកទ្រាំង ខេត្តតាកែវ។ ក្នុងនោះ ប្រជាពលរដ្ឋចំនួន ១៩៨នាក់ បានចុះឈ្មោះរកការងារជាមួយក្រុមហ៊ុនធំៗ ដែលមានតម្រូវការកម្លាំងពលកម្មជាង ១ពាន់កន្លែង៕