ភ្នំពេញ៖ ក្រុមហ៊ុន VW Software Technologies ដែលជាក្រុមហ៊ុនអភិវឌ្ឍសុសវែរ មានឯកទេសខាងប្រព័ន្ធគ្រប់គ្រងទិន្នន័យ អភិវឌ្ឍសុសវែរសម្រាប់វិស័យធុរកិច្ច និងសន្តិសុខសាយប័រ មានបំណងចូលរួមគាំទ្ររាជរដ្ឋាភិបាល ក្នុងការពង្រឹងសមត្ថភាពមន្រ្តីរាជការលើជំនាញសន្តិសុខសាយប័រ។ នេះបើតាមការលើកឡើងរបស់ តំណាងក្រុមហ៊ុន VW Software Technologies។

ក្នុងកិច្ចប្រជុំ កាលពីថ្ងៃទី៧ ខែសីហា ឆ្នាំ២០២៥ ជាមួយក្រុមហ៊ុន VW Software Technologies ឯកឧត្តម ដាវ អានសាន រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានស្វាគមន៍កិច្ចសហការបើកទូលាយជាមួយក្រុមហ៊ុន ក៏ដូចជាក្រុមហ៊ុនទាំងឡាយណា ដែលមានចក្ខុវិស័យ និងបេសសកម្ម ចូលរួមបំពេញបន្ថែមដល់អាណត្តិកិច្ចក្រសួង ក៏ដូចជារបស់រាជរដ្ឋាភិបាលជារួម លើកិច្ចការឌីជីថលូបនីយកម្មនេះ៕