ភ្នំពេញ៖ អ្នកឧកញ៉ា គិត ម៉េង ប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់ រេលវេ ម.ក. និង ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ចុះហត្ថលេខាលើកិច្ចព្រមព្រៀងប្រតិបត្តិការ និងថែទាំបណ្តោះអាសន្ន លើគម្រោងផ្លូវដែកកម្ពុជា។ នេះបើតាមការចុះផ្សាយរបស់ ក្រសួងសាធារណការនិងដឹកជញ្ជូន កាលពីថ្ងៃទី២៥ ខែកក្កដា ឆ្នាំ២០២៥។

កិច្ចព្រមព្រៀងនេះ ធ្វើឡើងក្នុងគោលបំណងរៀបចំប្រតិបត្តិការផ្លូវដែកក្នុងអំឡុងពេលអន្តរកាល នៃកិច្ចចរចាកិច្ចព្រមព្រៀង PPP ថ្មី រវាង រាជរដ្ឋាភិបាល ក្រុមហ៊ុន រ៉ូយ៉ាល់ រេលវេ ម.ក. និងក្រុមហ៊ុនដៃគូយុទ្ធសាស្ត្រ ជាពិសេសធានាឱ្យបាននូវការធ្វើឱ្យប្រសើរឡើងសេវាផ្លូវដែកនានា ទាំងការដឹកជញ្ជូនមនុស្ស និងទំនិញ ដែលការបង្កើតឱ្យមាននូវវិធានការសុវត្ថិភាពខ្ពស់បំផុតមួយនៅតាមបណ្តាញផ្លូវដែកទាំងពីរ ខ្សែ និងការអនុវត្តយ៉ាងម៉ឺងម៉ាត់ ស្របតាមការណែនាំរបស់រាជរដ្ឋាភិបាល ក្នុងករណីចាំបាច់ណាមួយ។

ពិធីចុះហត្ថលេខលើកិច្ចព្រមព្រៀងនេះ ធ្វើឡើងកាលពីថ្ងៃទី២៥ ខែកក្កដា ឆ្នាំ២០២៥ ដោយមានការអញ្ជើញចូលរួមពី ថ្នាក់ដឹកនាំពាក់ព័ន្ធ នៃក្រសួងសាធារណការ និងជញ្ជូន គណៈកម្មការអន្តរក្រសួងចរចាកិច្ចព្រមព្រៀងសម្បទានផ្លូវដែក ប្រតិភូ ក្រុមហ៊ុន រ៉ូយ៉ាល់ រេលវេ ម.ក. និងមន្រ្តីជំនាញពាក់ព័ន្ធផងដែរ៕