ភ្នំពេញ៖ សម្តេចធិបតីនាយករដ្ឋមន្ត្រី ហ៊ុន ម៉ាណែត អំពាវនាវឱ្យប្រជាពលរដ្ឋ ប្រុងប្រយ័ត្នពួកក្រុមអគតិ និងជ្រុលនិយម ដែលឆ្លៀតឱកាសបង្កើតការភាន់ច្រលំ ឬបង្កប់ចេតនាទុច្ចរិតផ្សេងៗ ផ្សព្វផ្សាយព័ត៌មានក្លែងក្លាយ ដោយបន្លំជាផេកផ្លូវការរបស់ សម្តេចធិបតីនាយករដ្ឋមន្ត្រី។

តាមការលើកឡើងរបស់ សម្តេចធិបតី ហ៊ុន ម៉ាណែត ក្រុមជ្រុលនិយមទាំងនោះ បានផុសដោយធ្វើជារូបភាព ហើយផុសក្នុងក្រុមផ្សេងៗរបស់បណ្តាញសង្គមហ្វេសប៊ុក, កាត់តរូបគណនីរបស់សម្តេចធិបតី ដោយសរសេរសារក្លែងក្លាយ ភ្ជាប់នឹងរូបភាព តែចំនុចដែលខុស គឺគ្មានបញ្ចេញម៉ោង បើផុសចេញពីផេកពិត គឺនឹងមានការបង្ហាញម៉ោង។

ការផុសចេញពីផេកផ្លូវការ គឺតែងមានតំណភ្ជាប់ទាំងអស់ (Link) មានន័យថា គ្រប់ផុស គឺតែងមាន Link មួយជានិច្ច, ផេកផ្លូវការរបស់សម្តេចបវធិបតី មានតំណភ្ជាប់តែមួយ គឺ https://www.facebook.com/share/1HMhbKEmCr/?mibextid=wwXIfr ដែលមានអ្នកតាមដាន ១,៨លាននាក់។ នេះបើតាមការបញ្ជាក់របស់ សម្តេចធិបតី ហ៊ុន ម៉ាណែត នាថ្ងៃទី២៨ ខែមិថុនា ឆ្នាំ២០២៥៕