ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ ប្រកាសថា មានឱកាសការងាររហូតទៅដល់ចំនួន ៧២ ៩៣៧កន្លែង សម្រាប់យុវជន និងប្រជាពលរដ្ឋកម្ពុជា ដែលចង់បានការងារថ្មី ឬប្តូរការងារ។

ឱកាសការងារទាំង ៧២ ៩៣៧កន្លែងនេះ ផ្តល់ក្នុងវិស័យឧស្សាហកម្មចំនួន ៦០ ៥២០កន្លែង, សេវាកម្មចំនួន ៣ ៥៤១កន្លែង និងកសិកម្មចំនួន ៨ ៨៧៦កន្លែង។ ចំពោះសាធារណជន ដែលបំណងស្វែងរកការងារ អាចទាក់ទងមកកាន់ទីភ្នាក់ងារជាតិមុខរបរ និងការងារ (NEA) នៃក្រសួងការងារ តាមរយៈទូរសព្ទ ១២៩៧ ឬ ១២៨៦ ឬតេឡេក្រាម ០១៦ ៧៨៦ ៦៥៥ ឬ CoolApp ទូរសព្ទលេខ ០៧៧ ២៣ ២៣ ៧៨ ដើម្បីចុះឈ្មោះ និងសម្ភាសភ្លាមៗ៕