ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) និងក្រុមហ៊ុន Heineken កំពុងពិភាក្សាផ្លាស់ប្តូរយោបល់គ្នា ដែលសំដៅធ្វើឱ្យកាន់តែប្រសើរឡើងនូវដំណើរប្រតិបត្តិការរបស់ក្រុមហ៊ុន នៅក្នុងបរិយាកាសវិនិយោគនៅកម្ពុជានាពេលបច្ចុប្បន្ន។ នេះបើតាមការចុះផ្សាយរបស់ CDC កាលពីថ្ងៃទី៣០ ខែមេសា ឆ្នាំ២០២៥។

ក្នុងកិច្ចពិភាក្សានេះ ធ្វើឡើងរវាងឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងគណៈប្រតិភូជាន់ខ្ពស់នៃក្រុមហ៊ុន Heineken ដឹកនាំដោយលោក Jacco Van Der អគ្គនាយកក្រុមហ៊ុន Heineken ប្រចាំតំបន់អាស៊ីប៉ាស៊ីហ្វិក។ គួរបញ្ជាក់ថា ក្រុមហ៊ុន Heineken គឺបានសម្រេចចិត្តដាក់ទុនវិនិយោគនៅកម្ពុជាចាប់តាំងពីឆ្នាំ១៩៩៤ ដែលកាលនោះគឺជាគម្រោងវិនិយោគមានលក្ខណៈសម្បត្តិគ្រប់គ្រាន់ដំបូងគេបំផុត ដែលទទួលបានការទទួលអនុញ្ញាតជាផ្លូវការពីក្រុមប្រឹក្សាអភិវឌ្ឍន៍កម្ពុជា៕